¿XORNALISMO ESPECIALIZADO NA INFOGRAFÍA?

Unha vez, tratando de aprender a conducir, non entendía por qué aquela rotonda sempre a facía mal. Así que lle pedín ao meu monitor que me debuxara a rotonda. El fixo unha especie de infografía especializada, pois el sí tiña un coñecemento inmenso sobre aquela complicada rotonda, e eu, gracias ao debuxo puiden entendela. Con este sinxelo exemplo quero dicir, así, a grandes rasgos e coas limitacións que esixe a xeralización, que, se alguén que sabe dun tema o ilustra, normalmente é moito máis claro que se o fai algún que non é tan experto no tema.

Pero como toda xeralización sempre ten puntos onde se equivoca, eu creo que hai que prestar á hora de facer unha infografía especial atención ó público ó que vai dirixida. Obviamente, non é o mesmo falar en termos, por exemplo, médicos, que de enfermidades co seu nome común, se o lector é un cidadán medio, probablemente non saiba que hiperpirexia é ter moita febre. Ou vendo un infográfico sen explicacións para alleos ao tema, non se ten por que comprender.

Este gráfico, sen sabe-lo contexto ou explicacións adicionais, un lector medio non poderá entendelo coma alguén experto no tema.

O ideal nunha infografía sería que, para ser rigorosos, un especialista asesorara ou fixera o gráfico, pero sabendo os límites do coñecemento do receptor da mensaxe. O mais importante nunha infografia ou nunha información calqueira para que sexa considerada información é que sexa comprendida polo público ao que vai dirixido.

Esta infografia, ainda que o lector non saiba do tema, pode chegar a comprendela, gracias a uns graficos con aporte textual feito, probablemente, por xente asesorada na materia.

A situación máis recomendable, aproveitando as oportunidades da tecnoloxía e os avances que nos permiten as infografías interactivas, sería que houbera, para a mesma información, unha posibilidade de profundización por niveis segundo o interese e a capacidade de comprensión do lector.

Porque, como nos explica Xaquín González (http://www.xocas.com/ciencia.pdf), as infografías ben empregadas poden servir para entender mellor unha información,un dogma, unha teoría, pero outras veces poden facernos crer ilusións completamente erróneas.